Euskara normalkuntza

EUSKARAREN NORMALKUNTZA PROIEKTUAK, gure institutuan, 1997-98 ikasturtean hasi zuen bere ibilbidea, NOLEGA programaren bidez.

Proiektu honen helburu nagusia ikastetxean, eta bereziki ikasleen artean euskararen erabilera indartzea eta kalitatea hobetzea eta euskal kultura eta sormen lana bultzatzea litzateke, Hizkuntz Normalizazioa gure formazio integralaren zati eginez (irakasle, ikasle, guraso eta langile ez irakasle), eta bereziki bertoko euskalkiari (galdu tako) prestigioa emanez.

Hau bideratu nahian, 2007an euskararen egoeraren diagnosia egin zen. Euskararen erabilera aztertu zen Institutuko ikasle, irakasle eta gurasoen artean. Diagnosia kontuan hartuta, eta Klaustroaren zein Eskola Kontseiluaren onespenaz, lau urterako proiektu berria diseinatu genuen.

Normalkuntzari begira, urtero bete beharreko gutxienekoak ondo zehaztu dira. Gainera, batzarrak eta jarduerak antolatu ditugu herriko Udaleko Euskara eta Kultura arduradunekin, baita kultur taldeekin ere, eta gainerako ikastetxeekin. Literatur eta bertso lehiaketak antolatu eta zuzendu ditugu, eta Institutuko Euskara Batzordea osatu. Bestalde, irakasleentzako ikastaroak antolatu ditugu Administrazioarekin batera.

Hau guztia aurrera atera ahal izateko beharrezkoa da guraso, irakasle eta denon esku hartze eta borondate ona. Edozein zalantza nahiz ekarpenerako, irakasle arduradunekin harremanetan jarri.